Informámosvos dun obradoiro que terá lugar na sede da Nova Escola Galega no Milladoiro o vindeiro sábado 11 de xuño.
Baixo o título ¿Os cans como recurso educativo?, a especialista en conduta animal María Sabell impartirá un curso no que se traballarán os seguintes contidos:
– As actividades con cans como ferramenta de inclusión e integración social: propostas no ámbito das necesidades educativas especiais, diversidade funcional, física e intelectual, altas capacidades…
– Linguaxe de interacción para a cohesión da manda.
– Aplicación práctica para ciencias e actividades da natureza.
– Recursos de comunicación non verbal no ámbito da linguaxe.
– Formulacións prácticas aplicables á educación en valores e á convivencia escolar.
Destinatari@s: profesorado, pais/nais, persoas que traballen con grupos, educadores/as sociais e calquera outra persoa interesada.
A actividade desenvolverase en horario de 11 a 14h (sesión teórica) e de 16:30 a 19:30h (en exterior, sesión práctica)
Toda a información aquí e no cartel que incluímos.
ANPA CPI Julia Becerra Malvar 